Folio 050A (recto)

Exod 30:13 – Exod 31:3

Leningrad Codex TEI · v0.12.0 · folio 050A (recto) · Exod 30:13 – Exod 31:3

Best viewed on larger screens

Column 1

Exod 30:13Exod 30:14

לֽ͏ַיהוָֽה ׃ כֹּ֗ל הָעֹבֵר֙ עַל־ הַפְּקֻדִ֔ים

מִבֶּ֛ן עֶשְׂרִ֥ים שָׁנָ֖ה וָמָ֑עְלָה

Exod 30:15

יִתֵּ֖ן תְּרוּמַ֥ת יְהוָֽה ׃ הֶֽעָשִׁ֣יר

לֹֽא־ יַרְבֶּ֗ה וְהַדַּל֙ לֹ֣א יַמְעִ֔יט

מִֽמַּחֲצִ֖ית הַשָּׁ֑קֶל לָתֵת֙ אֶת־

תְּרוּמַ֣ת יְהוָ֔ה לְכַפֵּ֖ר עַל־

Exod 30:16

נַפְשֹׁתֵיכֶֽם ׃ וְלָקַחְתָּ֞ אֶת־ כֶּ֣סֶף

הַכִּפֻּרִ֗ים מֵאֵת֙ בְּנֵ֣י יִשְׂרָאֵ֔ל

וְנָתַתָּ֣ אֹת֔וֹ עַל־ עֲבֹדַ֖ת אֹ֣הֶל

מוֹעֵ֑ד וְהָיָה֩ לִבְנֵ֨י יִשְׂרָאֵ֤ל

לְזִכָּרוֹן֙ לִפְנֵ֣י יְהוָ֔ה לְכַפֵּ֖ר

עַל־ נַפְשֹׁתֵיכֶֽם ׃פ

Exod 30:17

וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר ׃

Exod 30:18

וְעָשִׂ֜יתָ כִּיּ֥וֹר נְחֹ֛שֶׁת וְכַנּ֥וֹ

נְחֹ֖שֶׁת לְרָחְצָ֑ה וְנָתַתָּ֣ אֹת֗וֹ

בֵּֽין־ אֹ֤הֶל מוֹעֵד֙ וּבֵ֣ין הַמִּזְבֵּ֔חַ

Exod 30:19

וְנָתַתָּ֥ שָׁ֖מָּה מָֽיִם ׃ וְרָחֲצ֛וּ

אַהֲרֹ֥ן וּבָנָ֖יו מִמֶּ֑נּוּ אֶת־ יְדֵיהֶ֖ם

Exod 30:20

וְאֶת־ רַגְלֵיהֶֽם ׃ בְּבֹאָ֞ם אֶל־

אֹ֧הֶל מוֹעֵ֛ד יִרְחֲצוּ־ מַ֖יִם וְלֹ֣א

יָמֻ֑תוּ א֣וֹ בְגִשְׁתָּ֤ם אֶל־ הַמִּזְבֵּ֙חַ֙

לְשָׁרֵ֔ת לְהַקְטִ֥יר אִשֶּׁ֖ה

Exod 30:21

לַֽיהוָֽה ׃ וְרָחֲצ֛וּ יְדֵיהֶ֥ם

וְרַגְלֵיהֶ֖ם וְלֹ֣א יָמֻ֑תוּ

Column 2

וְהָיְתָ֨ה לָהֶ֧ם חָק־ עוֹלָ֛ם

ל֥וֹ וּלְזַרְע֖וֹ לְדֹרֹתָֽם ׃פ

Exod 30:22

וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר ׃

Exod 30:23

וְאַתָּ֣ה קַח־ לְךָ֮ בְּשָׂמִ֣ים רֹאשׁ֒

מָר־ דְּרוֹר֙ חֲמֵ֣שׁ מֵא֔וֹת

וְקִנְּמָן־ בֶּ֥שֶׂם מַחֲצִית֖וֹ

חֲמִשִּׁ֣ים וּמָאתָ֑יִם וּקְנֵה־ בֹ֖שֶׂם

Exod 30:24

חֲמִשִּׁ֥ים וּמָאתָֽיִם ׃ וְקִדָּ֕ה

חֲמֵ֥שׁ מֵא֖וֹת בְּשֶׁ֣קֶל הַקֹּ֑דֶשׁ

Exod 30:25

וְשֶׁ֥מֶן זַ֖יִת הִֽין ׃ וְעָשִׂ֣יתָ אֹת֗וֹ

שֶׁ֚מֶן מִשְׁחַת־ קֹ֔דֶשׁ רֹ֥קַח

מִרְקַ֖חַת מַעֲשֵׂ֣ה רֹקֵ֑חַ שֶׁ֥מֶן

Exod 30:26

מִשְׁחַת־ קֹ֖דֶשׁ יִהְיֶֽה ׃ וּמָשַׁחְתָּ֥

ב֖וֹ אֶת־ אֹ֣הֶל מוֹעֵ֑ד וְאֵ֖ת

Exod 30:27

אֲר֥וֹן הָעֵדֻֽת ׃ וְאֶת־ הַשֻּׁלְחָן֙

וְאֶת־ כָּל־ כֵּלָ֔יו וְאֶת־ הַמְּנֹרָ֖ה

וְאֶת־ כֵּלֶ֑יהָ וְאֵ֖ת מִזְבַּ֥ח

Exod 30:28

הַקְּטֹֽרֶת ׃ וְאֶת־ מִזְבַּ֥ח הָעֹלָ֖ה

וְאֶת־ כָּל־ כֵּלָ֑יו וְאֶת־ הַכִּיֹּ֖ר

Exod 30:29

וְאֶת־ כַּנּֽוֹ ׃ וְקִדַּשְׁתָּ֣ אֹתָ֔ם

וְהָי֖וּ קֹ֣דֶשׁ קֽ͏ָדָשִׁ֑ים כָּל־ הַנֹּגֵ֥עַ

Exod 30:30

בָּהֶ֖ם יִקְדָּֽשׁ ׃ וְאֶת־ אַהֲרֹ֥ן

וְאֶת־ בָּנָ֖יו תִּמְשָׁ֑ח וְקִדַּשְׁתָּ֥ אֹתָ֖ם

Exod 30:31

לְכַהֵ֥ן לִֽי ׃ וְאֶל־ בְּנֵ֥י יִשְׂרָאֵ֖ל

תְּדַבֵּ֣ר לֵאמֹ֑ר שֶׁ֠מֶן מִשְׁחַת־

קֹ֨דֶשׁ יִהְיֶ֥ה זֶ֛ה לִ֖י לְדֹרֹתֵיכֶֽם ׃

Exod 30:32

עַל־ בְּשַׂ֤ר אָדָם֙ לֹ֣א יִיסָ֔ךְ

Column 3

וּבְמַ֨תְכֻּנְתּ֔וֹ לֹ֥א תַעֲשׂ֖וּ כָּמֹ֑הוּ

קֹ֣דֶשׁ ה֔וּא קֹ֖דֶשׁ יִהְיֶ֥ה לָכֶֽם ׃

Exod 30:33

אִ֚ישׁ אֲשֶׁ֣ר יִרְקַ֣ח כָּמֹ֔הוּ

וַאֲשֶׁ֥ר יִתֵּ֛ן מִמֶּ֖נּוּ עַל־ זָ֑ר

וְנִכְרַ֖ת מֵעַמָּֽיו ׃ס

Exod 30:34

וַיֹּאמֶר֩ יְהוָ֨ה אֶל־

מֹשֶׁ֜ה קַח־ לְךָ֣ סַמִּ֗ים נָטָ֤ף ׀

וּשְׁחֵ֙לֶת֙ וְחֶלְבְּנָ֔ה סַמִּ֖ים

וּלְבֹנָ֣ה זַכָּ֑ה בַּ֥ד בְּבַ֖ד יִהְיֶֽה ׃

Exod 30:35

וְעָשִׂ֤יתָ אֹתָהּ֙ קְטֹ֔רֶת רֹ֖קַח

מַעֲשֵׂ֣ה רוֹקֵ֑חַ מְמֻלָּ֖ח טָה֥וֹר

Exod 30:36

קֹֽדֶשׁ ׃ וְשָֽׁחַקְתָּ֣ מִמֶּנָּה֮ הָדֵק֒

וְנָתַתָּ֨ה מִמֶּ֜נָּה לִפְנֵ֤י הָעֵדֻת֙

בְּאֹ֣הֶל מוֹעֵ֔ד אֲשֶׁ֛ר אִוָּעֵ֥ד

לְךָ֖ שָׁ֑מָּה קֹ֥דֶשׁ קֽ͏ָדָשִׁ֖ים

Exod 30:37

תִּהְיֶ֥ה לָכֶֽם ׃ וְהַקְּטֹ֙רֶת֙ אֲשֶׁ֣ר

תַּעֲשֶׂ֔ה בְּמַ֨תְכֻּנְתָּ֔הּ לֹ֥א

תַעֲשׂ֖וּ לָכֶ֑ם קֹ֛דֶשׁ תִּהְיֶ֥ה

Exod 30:38

לְךָ֖ לַיהוָֽה ׃ אִ֛ישׁ אֲשֶׁר־

יַעֲשֶׂ֥ה כָמ֖וֹהָ לְהָרִ֣יחַ בָּ֑הּ

וְנִכְרַ֖ת מֵעַמָּֽיו ׃ס

Exod 31:1

וַיְדַבֵּ֥ר יְהוָ֖ה אֶל־

Exod 31:2

מֹשֶׁ֥ה לֵּאמֹֽר ׃ רְאֵ֖ה קָרָ֣אתִֽי

בְשֵׁ֑ם בְּצַלְאֵ֛ל בֶּן־ אוּרִ֥י בֶן־

Exod 31:3

ח֖וּר לְמַטֵּ֥ה יְהוּדָֽה ׃ וָאֲמַלֵּ֥א

אֹת֖וֹ ר֣וּחַ אֱלֹהִ֑ים בְּחָכְמָ֛ה

וּבִתְבוּנָ֥ה וּבְדַ֖עַת וּבְכָל־

Facsimile

OCR courtesy of Masoretica.